Pwy fydda wedi  darogan mis Ebrill mor sych?  Ers dechrau garddio tydwi i ddim yn cofio gorfod dyfrio mor aml ac mor fuan yn y tymor

Yn bwysicach efallai, pwy fydda wedi rhagweld y byddai’r argyfwng corona wedi cantiatáu llawer mwy o amser yn yr ardd?   Profiad chwerw felys am wn i.

Yn bennaf, oherwydd y tywydd mae’r ardd lysiau i weld yn ffynnu; debyg iawn bod y mwytho a’r gofal ychwanegol yn deud arni hefyd. O fedru osgoi  unrhyw drychineb neu dywydd garw, mae gobaith dechrau codi tatws cynnar cyn diwedd mis Mai.  Cawn weld a byddaf yn siwr o roi gwybod i chi.

Rhyfeddod annisgwyl arall ydi bod yr ardd wen yn wyn.  Fyddwn i ddim yn mynd mor bell a chyfaddef i ni gam enwi’r llain hon o’r ardd ond tydi’r gwyn ddim yn gyson amlwg gydol y flwyddyn.

ENGLISH